පුන ගැයුම:
හෙම්බල ජෙරුසලමේ
ගය ගයා පසස හිමිපා
හෙම්බල සියොනේ සමිඳුන් ඔබගේ
පසසව උදන් අනා
වාසල් දොරටු ඔබේ එතුමෝ තර කෙරුවෝ
දරු කැල ඔබෙ හෙවණේ සෙත් ආසිරි ලැබුවෝ
සීමා ඇතුළෙ ඔබේ සාමය ඇති කෙරුවෝ
සරුවට තිරිඟු වවා ඔබ පුරවා ලූවෝ
හැම තැන දෙරණ පිටේ අණ පණිවුඩ යවනෝ
වචනේ එතුමන්ගේ දිවැයයි ලහි ලහියේ
බැටළු ලෝම වාගේ හිමිපා වස්වන්නෝ
අළු වැස්සක් වාගේ පිණි කැට විසුරන්නෝ
ධර්මොපදේශක (දහම් පාසල් ආචාර්ය)
Catholic ENCY වෙබ් අඩවියේ ප්‍රධාන කතෘ වන මා වසර 18 ක සේවාවක් සහිත කතෝලික ධර්මාචාර්යවරයෙකි. දශක දෙකකට ආසන්න කාලයක් අ.පො.ස. සාමාන්‍ය පෙළ සහ උසස් පෙළ දරුවන්ට ද, දහම් ගුරුවරුන්ට ද කිතු දහම උගන්වා ඇත. කිතු දහමේ මූලිකාංගයන් සහ හරයන් සොයා යාමට දැඩි කැමැත්තක් දක්වන මා එමගින් මා ඉගෙනගත් කරුණු සහ තොරතුරු මෙම වෙබ් අඩවියේ පල කර ඇත.
