පුන ගැයුම
හදබැති තුති මල් පොකුරු තිළිණ කොට
පුදදෙමු ඔබ හට දෙවි සමිඳේ
මෙතෙක් ගෙවී ගිය අපේ දිවිය තුළ //
ලැබූ දීමනා සමරමිනේ
ඔබේ වචනයෙන් ඔබේම දහමෙන්
අපේ දිවිය සරු වී වැඩුණේ //
ඔබේ බැල්ම තුළ රැකවරණය තුළ
අපේ ගමන නිසි මං ගැනුණේ //
නිමක් නොමැති ආදර කරුණාවේ
උණුසුම ඔබගෙන් අප ලැබුවේ //
සොයුරු පෙමේ රන් දමින් වෙළෙන්නට
දෙන්නැ වරම් නිරතුරු සමිඳේ //
මිනිස් ශ්‍රමය පිළිබිඹු කර දක්වන
පූපය මිදියුෂ ඔබට පිදේ //
නව ජීවනයට අප ඔසොවන්නට
දිවමන් සමිඳුන් සිරුර ලැබේ //
