SILLA හි ශු. දිව්‍ය සත්ප්‍රසාදයේ ප්‍රාතිහාර්යය
මෙම ලිපියෙන් ඔබ වෙත ගෙන එන්නේ SILLA හි ශු. දිව්‍ය සත්ප්‍රසාදයේ ප්‍රාතිහාර්යය පිළිබඳවයි.
1907 වසරේ මාර්තු මස 25 වන දින Church of Our Lady of the Angels in Silla දේවස්ථානයේ පැවති දිව්‍ය පුජාව අතරතුර Fernand Gomez පියතුමන් විසින් දිව්‍ය සත්ප්‍රසාද ම
ණ්ඩපය විවෘත කරන ලදී. එහි තබා තිබු ශු. දිව්‍ය සත්ප්‍රසාදය එහි නොමැති බව දුටු පියතුමන් වහාම එය කොහේ තිබේදැයි සෙවීමට කටයුතු කරන ලදී. දින 2ක් පුරා මුළු නගරය තුලම සෝදිසි කල අතර අවසානයේ එය නගරයේ උද්‍යානයේ ගලක් යට තිබී සම්බ විය. පසුව පියතුමන් එය දේවස්ථානයට ගෙන එන ලදී.
මෙහි කිසියම් ප්‍රතිහාරාත්මක බවක් දුටු පියතුමන් මෙම දිව්‍ය සත්ප්‍රසාද පුප පාවිච්චියට නොගෙන කරඩුව තුලම තබන ලදී. පසුව වසර 27 කට පසු එනම් 1934 වසරේදී එම කරඩුව විවෘත කර බලන විට එම ශු. දිව්‍ය සත්ප්‍රසාද පුප කිසිදු වෙනසකට භාජනය නොවී ඒ ආකාරයටම තිබෙන බව දැක ගැනීමට හැකි විය.
පසුව Valencia හි අගරදගුරු තුමන් විසින් මෙම ප්‍රතිහාරාත්මක ශු. දිව්‍ය සත්ප්‍රසාද පුප මහජනයාට දැක ගැනීමට අවස්ථාව සලසන ලදී.
මෙම ශු. දිව්‍ය සත්ප්‍රසාද පුප වර්ථමානයේ පවා ඒ ආකාරයෙන්ම කිසිදු වෙනසකට භාජනය නොවී තිබෙන අතර එය බැතිමතුන් ගේ වන්දනා නමස්කාරය පිණිස තබා ඇත.
